Ningania court-a Raut-a chungchang ngaihtuah a nih mek laiin anmahni nena inzawmna nei miah lo hnen atangin Varsha-i account-ah Rs. vaibelchhe 1.08 zet dah luh a ni tih hriat chhuah a ni.
Rajya Sabha MP Raut-a hi Pathianni khan darkar eng emaw zat a chenna in dap a nih hnuah zanah man zui a ni.
ED chuan Patra ‘chawl’ (chhungkaw tam tak luah theih in) chei thatnaah hian sum inpek tawn dan leh hman danah dik lo a awm niin an hria a, Sena MP nupui leh a lamtangte pawh an inhnamhnawih niin a hria.
April khan ED chuan Varsha-i leh a thawhpui mi pahnihte thil Rs. Vaibelchhe 11.5 chu he thil an chhuinaah hian an lo thlithlai tawh.
Heng thil hi ram niin Raut-a thawhpui, Pravin M Raut leh Guru Ashish Construction Pvt Ltd director hlui ta niin Palghar, Saphale (Palghar khuaa mi) leh Padgha (Thane district)-a mi a ni.
Heng bakah hian Mumbai daia Varsha-i luah lai, Dadar-a mi leh Alibaug-a Kihim tuipui kama Varsha Raut leh Swapna Patkar-a nupui, Sujit Patkar-i luah lai flat pariatte a tel a. Patkar chhungkua hi Raut-a thawhpui tha takte niin ED chuan an sawi.
Agency-in Raut chhungkua an chhui hi tun hnai lawka Uddhav Thackeray-a kaihhruai tangrual sorkar, Eknath Shinde-a a hel avanga a tluk hnu lawkah thleng a ni a. Shinde hi Maharashtra chief minister ni zuiin BJP hruaitu, Devendra Fadnavis chu a deputy-ah a tang a ni.