Aizawl : Farkawn Da- mdawiin Annexe Building, Travellers Inn leh Jt YMA Hall te chu nimin khan bialtu MLA Ram- thanmawia’n a hawng.
Farkawna Building pathum – Social Welfare Department hnuaia sak Travelers Inn, Lianchia Run tih bawk leh Dam- dawiin Annexe Building thar bakah SASCI sum Rs nuai 50 senga sak Joint YMA Hall hawng- tu bialtu MLA chuan a bial chhungah hmasawnna hnathawh hrang hrang a awm chu lawmawm a tih thu a sawi a. A ruala building thar pathum hawn a ni chu hmasawnna ropui tak a nih thu sawiin, tangkai tak leh dimdawi taka hmang turin kalkha- wmte a chah.
Ramthanmawia chu- an a bial chhungah MLA fund tangkai taka hman a nih thu sawiin, in sak sak pawh chhu- ngkaw 46 an awm tawh tih a sawi a. “Kan vanneih rualin kan bialah lirnghing avanga harsa- tna kan tawh bakah Myanmar ram buaina avangin raltlan kan lo dawngsawng leh a. Vawk pul hri avangin chhungkaw tam takin harsatna kan tawk hi a pawi ka ti hle a, chungte avangin chuan MLA fund hi tangkai takin kan hmang thin a ni” a ti.
Zirna chungchang sawiin Ramthanmawia chuan a bial chhungah HSLC leh HSSLC 202- 2-2023 Exam result ch- huakah zirlai titha zual te Laptop pek an nih thu a sawi a. A bik takin silpoulin hnuaia lehkha zir Farkawna raltlan naupang panga-in HS- LC Exam-ah Distinction-ah an pass thei chu lawmawm a tih thu a sawi a, bial chhung zirlai dangte tan an entaw- ntlak hle a ni, a ti bawk.
Sorkar thuchhuahin a tarlan danin, Farkawn Damdawi in Annexe Building hi Social Welfare and Tribal Affairs Department hnuaia Rs. nuai 200 senga sak niin, kumin July thlaa thawh tan a ni a, September khan zawh fel a ni. Travellers Inn, Lianchia Run tih bawk chu Rs. nuai 100 senga sak niin, kumin July thla veka sak tan a ni a, August thla khan zawh fel a ni. Jt YMA Hall chu SASCI hnuaiah Rs. nuai 50 senga sak niin, kumin March thla atanga sak a ni a, September thla khan zawh a ni bawk a ni.