- Zirsangkima
Falkland War kha i hria em? 1982 kuma United Kingdom leh Argentina indo chiam kum kha. Khata nunna chán pa khân heti hian thuchah a nei a. Chu chu band lär tak, Dire Strait-a an hmuipuipú, an guitarist ni bawk Mark Knopfler khân hla-in a phuah chhuak a—“Brothers In Arms” a ti.
“Ka awmna hmun hi ka in a ni hlen dáwn ta mai si a. He chhùm zíng chhah lúk leh vúr tlâk chawlh lohna, min bawhtu hi ka chhuahsan ang a, he indona ram hi zalènnaah chantírin kei hi min rawn thlah ang che u …
“He indona hmun hi ka tä a ni tawh lo a; he lei mi hi ka in a ni hek lo. Nangni zawng nangmahni ina inkìr leh ní a la thleng ang—kan ramah khán, aw … kan ram tak kha—ka va ngai êm! Kan huan leh kan in leh loah te khán in lêt ang a. Chu ramah chuan inríkrâpna a awm tawh lo ang a, silai leh bomb puakin a ti rálkhêl tawh lo chu’ng a, hetia “inkah thupui” reng hi in chawlhsan tawh ang a, thla muang takin, chhúngkuain in chàwl hahdam ve tawh ang. Mahse, hei erawh ka chah duh che u—rál in dopui, in thianpa ka ni reng tih hi.
“Kan chènna, kan ni tin hun hmanna hmun hi hremhmun tè nau a ni hawt alãwm—tih darhna leh chhiatna mual a nih hi! Ni tin mai, mei leh kát kárah kan léng a; chûng hmang chuan min la baptis zui a! Ka thian, nang paw’n chûng chu i tuar. I i tuarna pawh ka hmu a, ka hre reng mai. I hrehawmna ka hria a; mahse, i ráldopui, kei hi min thlahthlam ka hre ngai lo!
“He indona hian zual lai a neih kha. A sosáng hle a nih kha maw! Kei ngei paw’n—in hriat vek kha—hlìamin ka awm a, silai mû eng emaw zât ka dawn kha! Nangni paw’n in la tuar ve ngei ang. Mahse, khâng hrehawm, tuar nuam lo tak tak ka tuar lai khán, nangni zawngin min ngaihsak a, min enkawlin min chàwl châwl lo a, ka tán in hla ngai lo! Thian mai in ni lo, unau angin min en tlat a; ka unaute u, in ráldopui pa hian in chunga ka làwmzia hi ka sawi séng lo e!
Hei hi ngaihtuah teh: Engati nge kan indo thin le? Khawvêl khata chëng kan ni a, thu dang kan nei fo a, ngaih dàn hrang kan nei a. Inrem mai àwm hi kan intuithlàr fo a. Heti ngawt chuan kan rin, inanga kan tâwm “Ní” meuh paw’n meidîl min liamsan ang asin!
A sawi khi: E khai, thlà pawh a inher sáng tawh e—zu chawhu ruih tawh a! “Mang tha” ka ti mai ang che u.
Hetianga min chham khumtu an awm hma hian inngaihtuah ila …
He hla tlar tàwpna hi i ngaihtuah ho ang u: “We’re fools to make war / On our brothers in arms” hi. Ka’n sawi zawm lawk:
Mi ã kan ni—indo duhte hi! Kan à é! Ram leh ram kan indo a. State leh state kan indo mai a ni lo—state khata hnam leh hnam pawh kan indo a nia! Ka sawi chhan chu kawh tùr an awm reng! Silai cheleka indo loin thenawm khawvéng pawh kan indo a, kan hahthlâk!
“Ngei neih loh!” hi Sande Sikul zirlaiah zir ila a tha ang!
~
Brothers In Arms
– Dire Straits (Comp. Mark Knopfler
These mist covered mountains
Are a home now for me
But my home is the lowlands
And always will be
Someday you’ll return to
Your valleys and your farms
And you’ll no longer burn to be
Brothers in arms
Through these fields of destruction
Baptisms of fire
I’ve witnessed your suffering
As the battle raged high
And though they did hurt me so bad
In the fear and alarm
You did not desert me
My brothers in arms
There’s so many different worlds
So many different suns
And we have just one world
But we live in different ones
Now the sun’s gone to hell and
The moon’s riding high
Let me bid you farewell
Every man has to die
But it’s written in the starlight
And every line in your palm
We’re fools to make war
On our brothers in arms