Russia ramin a awp chin Crimea-a sikulah nimin khan bomb chak tak a puak a, mi 10 ve thiin mi dang 50 chuangin hliam an tuar a, President Vladimir Putin-a thupuangtu chuan he thil hi mi firfiakte chetna a nih theih thu a sawi nghal.
Thuneitute chuan thil puak hi eng ang bomb chiah nge an la hre thei lo tih an sawi a, Kerch-a technical college-a tihpuah a ni tih an sawi a. Russia-in Crimea leh Russia inkalpawhna tur lei dawh a tumna lai vela puak niin an sawi bawk.
Mi thenkhat chuan thil puak hi bomb ni lovin gas pawh a nih theih thu an sawi a. Russian national guard thuneitu, Sergei Melikov erawh chuan firfiaka chetna a nih thu a sawi thung.
Melikov chuan thil puak hi improvised explosive device a nih thu a sawi a. National guard unit-ten a hmun an thleng tawh a, firfiakte chetna ngei nia an hriat thu an sawi tih a sawi.