TISA ITNA
Mipate hian an duhna chhan leh star na chhan hi hmelthat vangte, piannalh vang te, duhawm vangte ani tlangpui a. Hmangaihna mit atang thlir lova tisa itna (infatuation) zawka thlir hi a tam zawk an ni hial awm e.
Nupa nih huna nupa nun hman hi thil mawi tak, mi pa-hnih inkara boruak tha zawk thlentu leh thlunzawmtu pawimawh tak anih laiin, inneih hmâa nupa nun hmanpuiah a sâwm reng che a, a thlem fo thin che anih chuan i hlutna leh zahawmna hi a taka i lantir a hun a, chuti chung pawha a la kal lui zel a nih chuan rilru na taka then mai pawh a tha.
Tun dinhmuna rilru hrehawmna hi damchhung zâwng-a ser reh thei tawh lo tur nena khaikhin chuan a la thlanawm fe zawk a sin.
SUM IT NA
I bialpa khan sum puk a dil fo thin che em? ‘Min lo hmantir lawk teh, ka rul leh ang che’ a ti fo bawk em? Rulh leh hun turah chhuanlam a siam zut zut em? Thil manto leh gift ang chi i lakah a beisei thin em?
A sawi chhuak fo em? Restaurant-a chawlh châng pawha bill i pek tur ni tlat hriatna te a nei em?
Heng zawhna te hi ‘yes’ tia i chhâng a nih chuan a bel chhung sa ang lek i ni ta. Sum leh pai hmangin a play kual mai mai che tih a chiang ta a, i thil phalna thin kha tun atan chuan tihtawp vat a tul a, in inkar boruak hi chinfel thuai thuai a hun ta hle tihna a ni.
INHLATNA
Nupa tan chuan duhzawng leh duh loh zawngte thlenga inhriatpui a, thiante leh chhungte inkara boruak tha siam thin hi thil tul tak a ni a, mimal mizia leh rilru sukthlek inhriatthiam pui tawn pawh hi thil pawimawh tak a tling bawk. Chutih laiin, inngaihzawn boruakah hi chuan a dan a dang daih thung.
Thla hnih thum vel inzui hnu-ah in inkar boruak hi hlimawm leh nuam deuh deuh tura siam tumna leh hmalak tumna a nei lova, inpekna rilru put i tum pawha a hnuchhawn zel a nih chuan i mil pui loh tur mipa i zui tihna a ni ang.
HUN A NEI VEI NGAI LO
Atana hun sen i inhuam hle lai a, chhuanlam siam a, a buai thu leh a hman loh thu a sawi chhen chuan.. hrethiam mai em? A bula awm a, anka nêm hlan ve te pawh i thlahlel ngawih ngawih chunga hun a neih theih loh thu bawka a chhan fo che chuan harhchhuah a hun ta!
Hman loh châng leh buai lai hi chu a awm a, amaherawhchu, hriatthiam theih loh leh pawm harsa te hi chu a awm ve chiang a lawm. I hai love. Thian a duh a, kalpui tur a duh hunah a rawn pak huam huam che em? Khai le, thutlukna siam a van hun ta ve!
I THIANNU ZAWK NI THEI
Thian tha ngawih ngawihte’n mahni bialpa te chuh pui a, nihpui ta sawi tur an tam hle a. Tunlai thalaite buaina leh harsatna tawh lian ber te zinga mi a ni hial. Mak ti fe fe leh awih harsa ti a, indawmkun tlawk tlawk pawh tam tak a ni.
I thiannu chanchin a zawt fo thin che em? In inhmuh leh hunah pawh rawn hruai ve rawh a ti che em? A phone number hial a dil lo che maw?
Chuti a nih chuan, i thiannu kha a beisei tih a chiang a, dinna mumal tak i neih thuai a ngai ta. I rilru nat tak tak hmâ a, i ban emaw i then nghal hmak hi a tul ang.