Chhinga Veng Football Club in harhtharna an chan an chhunzawm a, a zawna vawi thum an chakna ni turin Electric Veng FC lakah 4-1 in an chak.
Inrinni a Zote Toyota Mizoram Premier League 10 inkhelah hian phase 2 a vawi hnih an khelh atanga la chak ve ve CVFC tan captain MS Dawngliana chuan an goal neih zawng zawng a khung vek.
RG Stadium a inkhelah Electric Veng in minute 7-naah penalty an hmu a, Lalhriatpuia’n goal ah khung mahse Dawngtea’n halftime hma leh hnuah goal hnih ve ve a khung.
Inkhel hnuhnung zawkah nikum final khel FC Venghnuai in tun season-ah a vawikhatna atan hnehna an chang a, halftime dawnah C. Ngurnuntluanga chuan goal khungin 1-0 in Project Veng FC an hneh.