La Liga champion Barcelona in point khat hmu turin huntawp dawnah own goal an nei hlauh a, 1-1 in Rayo Vallecano nen an inhnehtawk.
Inrinni zana Estadio de Vallecas a inkhelah player pawimawh inhliam nei nual Barcelona in minute 39-naah goal an chhuah a. Rayo in bul tan that rah sengin midfielder Unai López chuan goal a khung.
Halftime zawhah Barcelona an insiamtha a, awmze neiin na zawkin goal an nawr. Goal erawh khung thei lawk lovin minute 82-naah Rayo defender Florian Lejeune chuan an lamah ball cross pet chhuah a tum chu a ti lut palh a ni.
Barcelona midfielder Frenkie de Jong chuan, “Kan kheltha tawk lo, kan theihna angin kan khelchhuak lo chiang a, a aia rim zawka kan thawh a ngai.”
“Team tha kan nei a, kan ruahmanna te pawh a tha hle. Chuvangin inthlahdul loh a pawimawh.” a ti.