Paris Saint-Germain in league season tir lamah beisei ang result neih loh tawng zeuh zeuh mahse ngai an awh chho leh tawh a, an elpuite tan beih fê tham an ni tih lantirin 5-2 in AS Monaco an hneh.
Zirtawpni zanah Parc des Princes-ah PSG in Monaco an mikhual a. Goncalo Ramos hmanga hma an hruai nghal thuai hnuah Takumi Misano chuan Monaco si phurh a sut.
PSG tan Kylian Mbappe chuan penalty atangin an goal hnihna a khung a. A club hlui laka vawi 10 goal a khungna a ni bawk.
PSG in second half-ah Ousmane Dembele leh Vitinha hmang te in an khung belh a. Folarin Balogun chuan Monaco tan goal khat khung belh ve bawkin huntawp hma in PSG striker Randal Kolo Muani chuan goal khat dang a khung leh hman a ni.