Thim Lal fapa Ozzy Osbourne-a’n a lo hrisel chho zel a nih pawhin kum 10 bak dam tawh lo turah a inngai.
Metal musician leh Black Sabbath zaipu hlui hian Rolling Stone UK nen an inkawmna thar berah sawichhuakin, hun rei tak atang tawha a taksa awngrawp chho zel leh a hriselna derdep takzia enin, kum tam khawvela la awm ve reng chu thil theih tawh loah ngaiin, a rei berah kum 10 vel bak a daih a rin loh thu a sawi.
“Thih chu ka hlau reng reng lo. Hun rei tak na tuar reng reng a awm leh tawnhriat hrehawm tak hmachhawn reng hi ka tlin rengin ka ring lo. Hrisel pangngai ang pawhin awm tehreng ila, kum 10 hi ka daih tawh kher ang emaw ka ti a ni,” tiin Rolling Stone UK chanchinbu a hrilh.