Hmang fuh aia hmang fuh lo, chetthatpui a, chetchhiatpui tam zawkna Social media hi buaipuitham a tling em em tawh a, milar leh lar lo thlenga kan nunpum a chiah hneh tawh vangin hman thiam a pawimawh viau mai.Milar Paris Hilton-i’n social media hian thalai leh thangthar te lakah pre-ssure hrisel lo tak nasa takin a siam chho mek zel, a ti.
Kum 43 mi hian influencer culture te thlengin a hlauhawm chho tawh hle nia sawiin, thalaite ‘perfect’ tir tumin social media hian nasa takin pressure a pe reng, a ti bawk.
“Heti ang khawvel hlauhawm chho tak karah hian ka fanu seilen tir hi ka duh lo. A chhan chu, ‘perfect’ ni tura in nawrna leh inbeiseina a san tâk em vang a ni.
“Chu mai bakah, mihringte hi kan ngeiawm telh telh a, comment kan duhtui lo sawt hle bawk a, heti ang tawnhriat hi ka fanu hian tawng ve lo se ka ti hle,” tiin a sawi.
Social media hman leh kalpui dan chungchangah zaithiam leh filmstar lar te pawhin an lo sawi fo tawh thin a, a nghawng tha lo tak tak thleng thin te zo lo leh tlukpui an tam vang te, a tam zawk hi mahni nihna ang lo taka lan tum, lemchang thin leh inbawl phuanna anga hmang thin te an zi nuai nuai mai bawk si a. Hlawk leh tangkai taka hmang thin awm ve bawk mah se, a tam zawk hi chuan an chhiatpui, an ti a ni.