Los Angeles Lakers in NBA chanchin a In-Season Tournament hmasa ber final-ah Indiana Pacers an hneh a. Champion trophy an chawi.
Pathianni zinga Las Vegas a final inkhelah hian 123-109 in Lakers hi an chak a. Hnehna an channa kawngah star player Anthony Davis leh LeBron James te an che tha leh hle.
In-Season Tournament hi NBA in regular season inkhel tihmuhnawm zual tura a kalpui a ni a. Tun season-ah kalpui tan niin fans te bakah player-te ngaihhlut a hlawh.
Lakers tan hian Davis-a’n point 41 score in rebound 20 lai a la a. An defensive khelhin innghahna a ni fo. James-a;n point 24 leh rebound 11 la in a thlawp bawk a. James hi tun tournament inkhel bulah Lakers hnehna channa kawnga hmahruaitu ber a ni fova, In-Season Tournament Most Valuable Player a thlan a ni.
Lakers coach Darvin Ham chuan James leh Davis te chu fakin, “Team tana ralthuam hlauhawm pahnih an ni a, inhnek thinten ding leh vei rang tak leh na taka an hnek ang deuh hi an ni a. An pahnih hian ralthuam an tling a, tupawh hmachhawn se an chet zan a thlen chuan dan theih an ni lova, team pumpui kan chetthat phah sawt thin a ni.” a ti.
Lakers tan hian Austin Reaves chuan bench atang point 28 thawh bawkin lehlamah Pacers tan Tyrese Haliburton leh Bennedict Mathurin ten point 20 ve ve an score.