Aizawl : Central YLA hruaitute leh BRTF 74 RCC hotu ten kar kalta khan India Defence Road sialna tur, Saisihchhuah leh a chhehvela kawngpuiin a tantlang tur khua leh hmunhmate an enho.
Central YLA hruaitute hi Vice President F. Lalrothanga’n hovin, BRTF 74 RCC hotute bakah Pangkhua Village Council leh YLA hruaitute nen Indo-Myanmar Defence Road sialna tura ruahman Saisihchhuah leh a chhehvel bakah Pangkhua hmunhmate an enfiah a. Pangkhua leh a chhehvela mihring chen- na in leh ram te tichhe lo thei ang bera kawngpui hi sial a nih theih dan tur a hmunah enfiahin ruahmanna siam a ni.
Central YLA hruaitu te chuan Tuichhak tlang dunga YLA branch leh Sub-Hqrs-te an tlawh ng- hal a, an mamawhte hlan- in, Sangau leh a chhehvela raltlan awmte mutbu thahnem tak an hlan bawk.
Kawngpui sialna tur enfiah leh raltlante ṭanpuina hlana fehchhuak CYLA hruaitute F. Lalrothanga Vice President, Joseph Lalhmingthanga Chinzah, Gen. Secretary, Lalngaihzuala Fanchun, Secretary, Kumpuan Co- mmittee, LC. Lalhriatchhuanga, Treasurer, Kum- puan Committee, Lalpuiliana Thangnget, Info. Secretary DRS te niin, Bualpui ‘Ng’ Sub-Hqrs. YLA Secretary Lalzidi- nga Chinzah leh LZ Rin- glawt, Secretary, Sangau Sub-Hqrs.YLA hruaitu ten an lo tawiawm a ni.