German champion Bayern Munich in league hmahruaitu Bayer Leverkusen an umna kawngah point pawimawh an hloh a. Werder Bremen lakah 1-0 a an tlawm avangin point sarih in an elpuite an pha lo chhunzawm.
Pathianni zana Allianz Arena a Bundesliga inkhel hi Werder Bremen in kum 2008 hnua a vawikhatna atana Munich a hnehna an chan hmasak ber a ni a. Tun season bikah Bayern Munich hi league inkhela an tlawm tum hnihna a ni.
Mikhual team tan hian Mitchell Weiser chuan second half ah inkhel a goal awmchhun hi a khung.
Bayern Munich hi kum 2020 February hnua a vawikhatna atan mahni muala league inkhelah a zawnin goal an khung lohna a ni bawk.
An coach Thomas Tuchel chuan, “Werder in chak an phu a, minute 70 vel kha chu chak tum team angin kan khel lo.” tiin a sawi.