Aizawl: Mizoram Assembly Budget Session hmasa ber tur chu February 19 atanga tan turin koh a ni.
Session hi Mizoram larsap, Dr. Hari Babu Kambhampati chuan Article 174, clause one tlawh chhanin a ko va, session kohna thupek hi nimin khan Mizoram Assembly chuan a tichhuak a ni.
Session rei zawng tur leh thil ngaihtuah turte chu Assembly Speaker Lalbiakzauva hova Business Advisory Committee la thukhawm turin a la ruahman dawn a ni.
Tun tum hi ZPM an sorkar hnua budget session awm hmasa ber tur a ni a, kum 2024-2025 chhunga Mizoram sorkar thar sum hman tur ruahman a ni dawn a, finance changtu, Chief Minister Lalduhoma’n a vawi khat nan budget a pharh tura ngaih a ni.