May3, Ningani zan khan Europa League semi-final first leg khelh a ni a. German champion thar Bayer Leverkusen chuan Mimuala an khingpui AS Roma chu si hnih faiin an hneh a, final an hnaih. Leverkusen an chak lai hian Marseille leh an mikhual Atalanta te chu 1-1 in an inhnehtawk ve thung.
German champion thar, inelna hrang hrangah tlawm nei lova kal tluang mek Bayern Lever Kusen hi an lenluhna mual Olimpico, Roma-ah an khel tha viau a, Italian club lian AS Roma lakah si hnih faiin hnehna an chang. German champion tan hian Florian Wirtz chuan minute 28-naah hmahruaina goal a thun.
Wirtz goal thun hmang hian hun rei tak hma an hruai a, minute 73-naah goal dang an thun belh leh thei chauh. Roma in an si phurh sut tuma tan an khawh chiam kara him hram hram Leverkusen tan hian Robert Andrich chuan minute 73-naah an goal hnihna a thun a, an hmahruaina a tizau. Roma hian an si phurh sut tum viau mah se hun tawp thlengin goal an thun thei lo tluan a, anmualah ngei si hnih faiinan tlawm. Mimualah hnehna an chan vangin Leverkusen tan final luh a hnai leh zual. Xabi Alonso hnuaia khel tha tak Leverkusen hian trophy lian pathum lak kawp theihna hun tha an la nei. Leverkusen hi season kal meka inelna hrang hrangah tlawm nei lovin khelh 47 an kal tluang ta chiah a. Hei hi Europe a record a ni.
Ningani zana inkhel dangah Marseille leh an mikhual Atalante te 1-1 in an inhnehtawk.