Fury leh Usyk inhnek hun a thleng

Palian huanga kawnghren ngaihhlut hlawh pali lak tuma Tyson Fury leh Oleksandr Usyk te inhnek hun tur chu kan nghakchhuak ta a. India sanaa zing lam dar 3:00 vel atangin Fury leh Usyk te inhnek hi en theih a ni ang. Palian huangah tlawm nei lova kal tluang mek pahnihte inhnek tur hian boruak a nei lian hle.

Palian huanga boxer tha bera ngaih Tyson Fury hi ft 6.7inch ngawta sang a ni a, WBC kawnghren a kawl mek. Fury khingpui tur Usyk hi ft 6.3inch a sang a ni ve thung a, kawnghren ngaihhlut hlawh pathum; WBO, WBA, IBF bakah Ring magazine title a kawl mek bawk.

An inhnek hunah chak tura rinkai zawk Fury hian inhnek vawi 35 a hmachhawn tawh a, vawi khat draw a nei. Usyk hian inhnek vawi 21 hmachhawn tawhin, a la chak vek. Inhnek thiam tak a ni a, Fury hneh thei tura ngaih a ni. Hetihlai hian Fury hian Usyk lakah pumraw lian zawk a nih chhawr tangkai ngei a tum hlein a rinawm.

Leave a Reply

error: Content is protected !!