Mizoram khawthlang lam, hnam tlem zawkte la chenna ni bawk Mamit district chhungah khuarel chhiatna hrang hrang a thleng nasa tawh hle a, Chhiat tawha pan ber thin pakhat Rural Development department chuan Block Development Office (BDO) pali (4) neiin, chungte chu : Reiek RD Block, Zawlnuam RD Block, West Phaileng RD Block leh Kawrtethawveng RD Block te an ni.
RTI zawhnaa a lan danin, kum 2023 January thla atanga kumin (2024) April thleng khan heng RD block ten khuarel chhiatna report an dawn dan chu hetiang hi niin, tanpuina an pek chhuah dan hetiang hian an tarlang bawk:
- Reiek RD block hian khuarel chhiatna tuartute atangin tanpui dil 63 an nei a, tanpuina mi 61 hnenah an pe chhuak a, SDRF norms huamchhunga tel lo an nih avangin 2 te hi pek an nih loh thu an tarlang.
- Zawlnuam RD Block hian khuarel chhiatna tuartute atangin tanpui dil 209 an nei a, tanpuina mi 207 hnenah an pe chhuak a, mi 2 te hi dawn nawn (double application) avanga pek an nih loh thu an tarlang.
- West Phaileng RD block lam erawh chuan SDO Civil khawih a nih avangin report an dawn loh thu an tarlang thung.
- Kawrtethawveng RD block te hian khuarel chhiatna tuartute atangin tanpui dil 119 an nei a, tanpuina mi 35 hnenah chauh an pe chhuak thung.
Kawrtethawveng RD block hi hawn a nihna a la rei loh ngaihtuahin dilna lut a tam hle a, tanpuina pekchhuak erawh an nei tlem hle thung. Hei erawh a chhan hriat a ni lo a; an bial chhung hi hnam tenau zawkte leh mizo khaw hrang hrang, khawsak harsa ve tak takte awmna a nih avangin tanpuina diltu tam zawk dawng ta lote pawh hi dawng awm ngawih ngawih an ni thung niin kan thulakna chuan a sawi.