PC party in police duty ten vote an thlak theih nan ngen

PC Party chuan Election Commission of India hnenah Mizoram Police mi 1,047 ten vote an thlak theih nana hma la turin inrinni khan ngenna an thlen.

Tuna MP thlan kal laiah hian Mizoram Police, state danga duty-a awm mi 1,047 te chuan vote an la thlak lo a. Heng miten vote an thlak theih nan hian Election Department lam pawhin hma an la a, mahse, tun thlengin vote an thlakna tur ruahmanna a la awm lo a. Vote chhiar hun a hla tawh lo hle bawk, tiin thuchhuah an siam a.

Tun Election process na ah, Electronically Transmitted Postal Ballot System(ETPS) hman a nih reng lai a, Mi 1,047 laiin vote an thlak leh thlak loh hi result tidanglam thei khawp niin PC Party chuan kan hria a, kan ngaimawhin kan ngai pawimawh hle a ni, an ti.

Chuvang chuan, Election Commission-a Principal Secretary SB Joshi hnenah hma la tura ngenna kan thawn a ni, tiin an thuchhuahah chuan an tarlang.

Leave a Reply

error: Content is protected !!