Pathianni zan khan Liverpool chuan Anfield-a an mikhual Wolves chu Alexis Mac Allister leh Jarell Quansah te goal thun hmangin an hneh. Anfield ah Wolves an hmachhawn hi manager ropui Jurgen Klopp-a’n Liverpool a enkawl hnuhnun ber tum a ni a. Liverpool player leh fan ten mittui tla chungin Klopp hi an thlah.
Manager thluak tha Jurgen Klopp hian kum 2015 atangin Liverpool a enkawl tan. Kum 9 chhung Liverpool a enkawl chhungin trophy pa 9 a lakpui. Kum 2018 khan Champions League-ah a champion pui a, UCL-ah hian tum thum final an hruai thleng. 2019-20 season-ah khan EPL-ah a champion pui a. Kum 30 zet hnuah EPL-a Liverpool champion lehna hmasa ber a ni nghe nghe. EPL-ah an champion tum hian point 97 zet an hmu a, hetih lai hian EPL a point hmu tam ber record an siam hial nghe nghe.
EPL leh Champions League-a an champion bakah hian, FA Cup, UEFA Super Cup, FIFA Club World Cup leh League Cup-ahte a champion pui bawk. Liverpool manager ropui ber ang hiala ngaih ni chungin Reds hi season tawp rualin a chhuahsan zui ta a. Jurgen Klopp hmunruak hi Feyenoord manager Arne Slott-a’n a luah ve thung ang.