BJP Mizoram in Health Minister thusawi sawifiah that leh an phut

BJP Mizoram chuan thuchhuah siamin, India ram Prime Minister Narendra Modi chuan India mipuite hriselna ngai pawimawhin, PM Health-care Scheme, Ayushman Bharat – PMJAY cheng Nuai 3 thleng kum 1-a bill theih ni ṭhin chu kum 1 (khat) a cheng Nuai 5 hman theih turin a tisang a, India mipui rethei zawk te’n damloh mangana natna khirh leh enkawlna hautak tak mai inenkawlna atan nasa takin a pui dawn a, he Prime Minister Ayushman Bharat, (PMJAY) kaltlang hian mi tam takin inenkawlna an dawng nasa êm êm a, Universal Health Care-in a tum chu a ti hlawhtling mek a ni, an ti a.

Hetiang taka India ram mipui min hmangaihtu Prime Minister Narendra Modi kaihhruai Sorkar hi BJP Mizoram chuan kan chhuang hle a, mi retheite harsatna hrethiam a, kan hriselna min ngaih pawimawh saka Health Care Scheme Cheng Nuai 5 a tihsan a ni leh ta hi chhuanawm kan ti takzet a ni, an ti bawk.

He tih mek laia, Mizoram Health Minister Lalrinpuii’n ZPM Office-a mipui hriat tur atana Health-care chungchang a sawi dan erawh mak kan tiin, ZPM Sorkar hmalakna ang mai a ngaihtheih tura mipui thluak a su ve leh chu BJP Mizoram chuan pawi kan ti hle a, Khawvela Health Insurance Scheme lian ber PM Ayushman Bharat pawngsualna ah kan ngai hial a ni. PM-JAY, Prime Minister Ayushman Bharat hi Sept 23, 2018 khan launched a lo ni tawh a, natna chi hrang hrang enkawlna tura duan bik a ni phawt a, kumin hi a kum 6-na a ni tawh a ni, tiin an thuchhuahah chuan an tarlang a.

ZPM Sorkar hi mipuiin kan beisei sang hle a, nimahsela thla 5 awrh an Sorkar chhung mai pawh hian an thusawi an umpha lo hle tih a lang reng tawh a, hei hian mi retheite beidawnna khur thûk zawk ah min hruai luh phah mai a hlauhawm hle ah kan ngai a ni, an ti.

Chuvangin, Mizoram Health Minister Lalrinpuii’n Cheng Nuai 5 Cashless-a inenkawl theihna an mahni duan anga a sawi hi, PM Scheme hman lai mek a sawina nge? ZPM Sorkar Scheme thar duan tih hi Mizoram mipui min hrilh leh ngei turin kan phut a. Thudik, zirtirna dik leh thutak sawi tur a ngaihten an hmingṭhat duh luat avanga Prime Minister Scheme te an mahni kutkawih ang thawthanga an sawi hi a pawi kan tiin Mizoram mipui te min ngaihnep zia leh min hmuhsit zia tih lan tirna ah kan ngai a, mahni tuhloh rah seng tum chhen lo turin BJP Mizoram chuan ZPM Sorkar chu kan chah duh a ni, tiin an thuchhuahah chuan an tarlang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427