Chhinga Veng in beiseina an la nei

Volleyball hmanga inelna lian Ather Pro Volleyball League 2024 chu khelh chhunzawm zel a ni a, Thawhtan zan khan Chhinga Veng Spikers in Hlimen an hneh a, semi-final lut thei dinhmunah an la ding.

Semi-final luh beisei zui tura chak mamawh Chhinga Veng Spikers hian table mawngphah Hlimen lakah bul an tan tha a, set hmasa pahnih an la zawn. Set hnih an lak zawn hnuin set thumna an hloh ve teh mial. Set thumna hloh bawk mah se set lina an la zui leh a 25-16, 25-16, 20-25, 25-22 in an chak zui ta a ni. Hlimen lakah an chak vangin Chhinga Veng Spikers hi palinaah an inhlangkai a. League round-a inkhel hnuhnung berah Durtlang North in Hunthar lakah point an hmu lo a nih chuan Chhinga Veng hian semi-final an lut ang.

Zirtawp zan khan champion lai Thutak Nunpuitu Team (TNT) in table mawngphaha awm Hlimen chu 21-25, 25-14, 25-14, 25-16 in an hneh a, pathumna an ni chiang nghal. Pro Volleyball league 2024 khelh mekah Tuichangral, Hunthar leh TNT ten mipa final an lut chiang tawh a, semi-final hmun ruak pakhat la awm hi Durtlang North leh Chhinga Veng ten an inchuh zui ang.

Hmeichhe lamah chuan Luangmual, Bungkawn, Serkawn leh Diakawn ten semi-final an lut chiang tawh thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427