Mahindra Thar rawng thar

  • Ruata

Mahindra lifestyle offroad SUV lar Thar chu rawng thar rawn tihchhuah belh a ni a, he rawng thar hi a hring a ni.

Mahindra Thar rawng thar hi ramhnuai rawng thupuia neiin adventure lama tui te mit la lehzual tur te pawh a tih theih ang, a rawng hming hi Deep Forest Green a ni a. He rawng hi AX (O) leh LX trim hoah a awm dawn a ni.

Tunah hian Mahindra Thar-ah hian rawng chi hrang hrang – Deep Grey, Everest White, Red Rage, Desert Fury, leh Stealth Black te a awm mek a. Rawng dang a rawn awm belh leh hian a vaiin rawng chi 6 a ni dawn a ni.

Mahindra Thar hi Rs. Nuai 13.35 (ex-showroom) man bawr atanga intanin Rs. Nuai 17.60 (ex-showroom) man thlengin a awm a. Mahindra Thar rawng thar lo chhuakah hian a rawng tih loh hi chuan danglamna engmah a awm lo a ni.

Mahindra Thar tarlan takah chuan a chanchin hi han sawi zui zel ila. A khawl hman mek hi 2.0 litre (2000cc bawr) turbo petrol khawl, 152PS power leh 300Nm torque pechhuak thei leh 2.2 litre diesel khawl, 132PS power leh 3000Nm torque pechhuak thei a hmang mek a. Transmission lamah chuan 6-speed manual leh automatic gearbox duhthlan tur a awm bawk a ni.

Mahindra Thar-ah hian tunhnaiah Rear Wheel Drive version, a ke hnung chauhin a phih kal theih a chhuak mek a, khawpui leh kawng chhengchhe lutuk lo chauha nitina veivak thinin tunhnaiah he version hi an bawh viau nghe nghe a. Hei hian 1.5 litre diesel khawl, 118PS power leh 300Nm torque pechhuak thei a hmang thung a ni.

  • Mahindra Thar 5-door?

Mahindra hian Thar chu kawngka tam chi, a hma aia sei leh a chhung pawh zau nuam zawk, 5 door version tihchhuah tumin hma an la mek a. August ni 15-ah hian an phochhuah theih tawh beisei a ni. He lirthei elpui ngei tur, Force Gurkha 5-door chu tunhnaiah tlangzarh a ni bawk a, Mahindra Thar 5-door pawh a ti nghahhlelhawm zual hle a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427