Tunhnai interview pakhatah reporter hmâa silai lek lam a, inhrosa chiamah Kid Rock puh a ni.
Journalist David Pesnier chuan Rolling Stone magazine-a tihchhuah tur news a buaipuinaah Kid Rock hi hmaichhanah a kawm a, boruak a rit hle a ni awm e.
A hming tak Robert James Ritchie hian handgun dum phawrhchhakin, Peniser hmai ah a vai vir nasa hle a, a thusawi point tihchian tumna ni awm takin, “Ka mamawh huna hman mai tur silai ka nei a nia.. khawiah pawh phawichhuah mai tur a awm,” tiin a inhrosa nasa hle.
Rolling Stone-a magazine chhuakah Kid Rock hian silai a hawl kual zut zut mai ni lovin, tawngkam mawi lo leh bawlhhlawh a chhakchuak hnem malh malh hle.
A inkawm chhung zawng hian a khat mawi tawkin, ‘Sal chhuah zalentute chu Republican party’ an nih thu a sawi uar viau bawk.