Lemchan khawvela series lar ber zingami FRIENDS-a changtu pakhat Matthew Perry-a thih dan leh thihchhan chhuizuina kal zelah a taksaa an hmuh Ketamine petu leh supply-tu lam bitumin hmawr bawk an hnai ta.
A thih laia a taksa chhunga drug hlauhawm tak, thihna hial thlen thei hi ngaipawimawh hle niin, kum 54 mi thihna a he damdawi hlauhawm tak supply-tu hi manchhuah ngei a nih theih nan police leh chhuimite’n thapui an thawh mek.
Perry hi nikum October khan Los Angeles-a a chenna In ah thi a hmuh niin, doctor te’n dam lo an zai dawn a an hman thin nena inhen tawk Ketamine hi a taksa chhungah hmuh a nih vangin he damdawi petu hi chhui bing a, hlin ngei an tum hle niin, TM report-ah a lang.