VC term pawh tawi khinna ngaihtuah zo, tun karah thutlukna

Aizawl: Mizoram sorkarin village council term a pawh tawi chungchanga khinna chu nimin khan Gauhati High Court, Aizawl Bench chuan a ngaihtuah a, tun chawlhkar chhung hian thutlukna a puan beisei a ni.

Mizoram sorkarin VC term ding lai a pawh tawi chungchanga high court-a All Mizoram Village Council Association (AMVCA) President K Lalngaizuala’n a khinna kal zelah court chuan chawlhkar kalta Ningania thubuai kal lai a ngaihtuahah VC term an pawh tawi chhan insawifiahna record sorkar lamin an chhawpchhuah chu duhkhawp lovin sorkar chu insawifiahna record an neih ang ang thehlut tha leh tura a tih angin, nimin khan sorkar lam aiawhten an chhawpchhuak tha leh a ni.

Thudawn danin sorkarin VC term dinglai a pawh tawi vanga AMVCA President K Lalngaizuala’n court-a a khinnaah tih tur hrang hrangte chu zawh fel a ni tawh a. Nimina sorkar lam aiawhten an record theh luhte zirchian a nih hnuah court chuan thutlukna a puang dawn a. Court thutlukna hi tun chawlhkar chhungin an puan hman beisei a ni.

Hetih lai hian State Election Commission chuan February 12, 2025-ah hian VC leh LC inthlan neih a nih dawn thu an lo chhuah tawh a. High court thutlukna hian inthlanna lo awm turah nghawng a la nei thei dawn a ni.

Tar lan tawh angin, tuna village council hi August 27, 2020-a inthlang niin August, 2025-a tawp tur a ni a. LAD chuan tuna VC term hi February 19, 2025-a tawp turin ruahmanna an siam a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427