Youth Icon, 2024 star J. Lalrosanga chuan amah ngainatu ‘Fapa Hmangaih Intawm Group’ hnen atangin motor manto tak ‘Thar’ inrinni khan a dawng.
‘Fapa Hmangaih Intawm Group’ in an fapa intawm J. Lalrosanga hnena an pek Thar hi three door, a var a ni. Aizawlah chuan cheng nuai 14/15 vel niin, a man ringawt pawh hi a to tham tawh hle a, heti chung hian a petute hian an pek hmain uluk takin an cheitir nghal thlap a ni.
J. Lalrosanga chuan thilpek dawn reng chu a inthlarun thu a sawi rualin, Pathian hnenah leh thilpek petute chungah a lawm takzet thu a sawi a, ‘A ropui lutuk,’ a ti.
RS-a chuan a pa thu a awih avanga Pathian malsawmna dawng nia a inhriat thu sawiin, ‘Ka pa thu awih lo ila tun dinhmun hi ka thleng dawn lo,’ tiin, a pa damna atana Pathian zara a thawh chhuah sen vek a chak thu a sawi.
J. Lalrosanga hi gospel hla chauh sak tuma inbuatsaih mek a ni a, a hun tur tak erawh a la sawi theih loh thu sawiin, a programme tur pawh a cancel nasat thu a sawi. Hetih lai hian love song chu sual nia a hriat chuan loh thu a sawi tel bawk.