Cleveland Cavaliers player Evan Mobley chu 2024-25 NBA Defensive Player of the Year atan an thlang a, game tinah block 1.59 nei ziah ang a ni.
Mobley chuan, “A lawmawmin a ropui ngei mai. Ka beisei phak loh thil a ni a, hetiang chawimawina dawn chu nuam tak a ni,” a ti.
Mi 100 zetin player tha chawimawina hlan tur hi an thlang a, Mobley chuan vote 35 hmuin point 285 a hmu a, pakhatna a ni a. Atlanta Hawks guard Dyson Daniels chuan vote 25 hmuin point 197 a hmu a, pahnihna a ni a. Golden State Warriors forward Draymond Green chu pathumna niin vote 15 leh point 154 a hmu a. Oklahoma City player Luguentz Dort (11 votes, 109 points) leh Houston player Amen Thompson (9 votes, 93 points) te chu a sang zual zingah an tel bawk a ni.
NBA huanga season lina hmang mek, Cavaliers forward Mobley chu a vawi khatna atan All-Star Game-ah a tel ve dawn a, a vanglaia a point hmuh san ber (18.5) niin, free throw attempt 4.3, rebound 9.3 leh steal 0.9 a nei a ni.
Kum li chhung NBA huanga a tel hian steal 200 leh block 400 a nei tling hman a, hetiang zat nei thei hi player pali chauh an la awm.
Mobley hian Cleveland chu a chet thatpui hle a, Eastern Conference lamah top seed a nihpui thei a, NBA huangah pawh pathumnaah a awmpui thei a, chawimawina dawn hi a phu hle.