Aizawl: Mizo Students’ Union (MSU), General Headquarters hruaituten nimin khan Chief Minister Lalduhoma chu a pisa-ah kawmin, college zirtirtu qualified thei lote chu huaisen taka bân ngam turin an ngen.
MSU hruaitute chuan Chief Minister hnenah college zirtirtu unqualified (NET/Ph.D neilo) 29-te kum khat dang hun a pek belh leh chu tha an tih loh thu an sawi a. Sorkarin hun a pek belh lehte hi an qualify theih nan vawi tam tak hun pek belh leh pawhsei sak an lo ni tawh chunga qualified thei lote an nih avangin huaisen taka ban ngam turin an ngen.
MSU General Executive Committee meeting-in in a rel angin, kum 2025-2026 Academic session tan leh hma ngei a an contract hi titawp turin CM hi an ngen a ni.
Scholarship chungchangah ZPM sorkar hnua a hun taka State Matching Share pek zel anih thin avangin Chief Minister hnenah lawmthu an sawi a. Chutih rualin, Mizoramin tun thlenga Scholarship 2023-2024 a 4th Installment a la dawn loh avanga zirlaiten harsatna an tawh thu thlenin, theihtawpa sorkar laipui nawrpui turin an ngen bawk.
Chief minister chuan MSU hruaitute thu thlen hrang hrang chu theihtawpa bawhzuisak a tum thu a lo hrilh a ni.