Aizawl Municipal Corporation (AMC) inthlan result hriat a ni ta a, state-a rorel lai ZPM party chuan chiang taka hneha changin AMC sorkar thar a siam dawn a ni.
Campaign laia an auhla ring tak zinga pakhat chu state-a rorel lai party nen inkawprem taka kal thei tur an nih dawn avangin mipui beiseina a sang dawn a, AMC sorkar tharah hian mipui beiseina pawh a sang dawn hle a ni.
Aizawl khawpui hmel thar lanna tur engtinnge an kalpui dawn a hriat loh a, chutihrual erawh chuan sorkar nen an thawkho tha a nih chuan khawpui hmel danglam dawrh thei khawpin an che thei tih erawh kan hriatreng a tul.
AMC sorkar thar an han in form chho ang a, tute nge a hotu lawk ni dawn a chiang chho thuai ang a, Mayor leh Dy Mayor nih inbeisei tak tak, ni ta lote pawh awm theih a nih dawn avangin anmahni lam an lo inruahman thiam a, an inthawidam thiam pawh a tul hmasa ngei ang.
Sorkar nena ke pen rual turin AMC thar mipuiin kan beisei a, chu kan beiseina chu a hlawhtlin ngei theih nan tlingtharte inlungrualin, AMC sorkar chak tak din turin inbuatsaihin, inlungrual chho zel mawlh teh se.