Aizawl: MNF Treasurer Lalruatkima chuan ZPM te Aizawl khawpui tana tha taka rorel turin duhsakna a hlan.
Thawhtania MNF Hnam Run chhung inkhawmah thu sawiin AMC result-ah ZPM an lawmpui tih sawiin, “Pathian hunbi ruatah an chuang a, tha taka Aizawl tana rorel turin duhsakna kan hlan,” a ti.
MNF Treasurer chuan, “Rorel lai party-te an tang hle a, sorkar hna te an tiam a, thil tam tak an tiam a, buhfai thlengin an sem a ni,” a ti a. Tun ZPM term chhung hian inthlanna lian tham – Sinlung Hills Council, Lai District inthlan, Dampa bial by-election-ah te kan tling deuh vek a, tun tum erawh kan chak zo ta lo a ni,” a ti.
Ruatkima chuan, MNF chu ‘Pathian leh kan ram tan’ titu an ni a. Ram, hnam leh sakhua a him theih nan theih tawpin an bei zel dawn tih a sawi a. Pathianin rem a tih chhung chu MNF hian he ram leh hnam leh an sakhua, kristianna chawinung tur hian an bei zel dawn tih a sawi.