Aizawl: Mizoram tlawh tura lo zin, Union Textiles Minister Giriraj Singh chuan Pathianni khan Aizawl a thleng.
Union textiles minister hi Chief Minister Lalduhoma hoin Lengpuiah hmuah a ni a, hemi hnu hian Lok Bhavan pan nghalin Larsap Gen VK Singh nen an inhmu a, sorkar department hotu hrang hrangte nen inkawmin sericulture, cooperation, agriculture, handloom & handicraft lam hotuten an department hmalakna hrang hrang an hrilh fiah.
Pathianni vek khan union minister hian Lapar Seri Boutique, Kulikawn leh Zozia Silk Emporium Tlangnuam a tlawh a, entrepreneur-te nen inkawmin Cooperative Federations Chairperson leh member-te bakah, BJP hruaitu leh party worker-te nen an inkawm bawk.
Union minister hian Thawhtanni hian Sericulture Farm, Zemabawk bakah ZOHANDCO office-te a tlawh ang a, puantahtute leh mi thiamte nen hun hmangin a haw hmain Eri Farm Lengpui a tlawh bawk ang.