Aizawl: Mizo Zirlai Pawl Headquarters Hnahthial chuan Inrinni zing dar 7 khan Hnahthial khawpui chhunga hnam dang (vai) awm zawng zawngte chhiarpui an nei.
An lo rel tawh bawhzuiin MZP Pisa, Bazar veng, Hnahthial-ah hnamdang (vai) awm zawng zawng te chhiarpui neiin a ko khawm a. He hunah hian hnam dang mi 105 te chu chhinchhiah an ni.
Chhiarpui neih pahfawmin MZP chuan hnam dangte Inner Line Permit (ILP) an endiksak nghal a. ILP chu nei ngei ngei tur leh dan ang taka hna thawk tur te, Mizote nena tha taka thawhhona nei tur leh midangte tana hnawksaka awmlo turin an chah a. Hnam dang sponsor-tu te pawh dan dik takin an thawk em tih leh an ILP validity chu ngai pawimawh zual turin a chah bawk.