United Nations General Assembly chuan Austria, Kyrgyzstan, Portugal, Trinidad & Tobago leh Zimbabwe te chu member 15 awmna, UN Security Council-a member atan kum hnih chhung atan, January 1, 2027 atanga tan turin an thlang.
Nilainia inthlanah hian seat lak tuma nasa taka hma la, Germany chu Western European & Others Group-in hmun hnih an inchuhnaah pathumna an ni a, vote 104 hmuin Portugal-in vote 134 leh Austria-in 131 an hmu thung.
Philippines leh Kyrgyzstan te inelna, Asia-Pacific Group seat inchuhnaah hian vote round li zet a awm a, a tawpah Kyrgyzstan chuan a mamawh hmun thuma thena hmun hnih a hmu a, a vawi khatna atana Security Council seat chu vote 142 hmuin a chang ta a ni.
Security Council hi UN hnuaia rorel khawl awmchhun a ni a, dan anga thutlukna siam thei, hrekna siam leh tharum thawhna hman phalna pe thei a ni a. Member nghet (permanent veto-wielding member) panga – Britain, China, France, Russia leh United States an awm bawk.
A bak member 10 thlan chhuah an ni a, kum tin member thar panga an lut thin a. Kumin hian Africa Group, Latin American & Caribbean Group leh Asia-Pacific Group atangin pakhat theuh leh Western European & Others Group atanga pahnih thlan chhuah a ni.
Zimbabwe-in Somalia an thlak ang a, Trinidad & Tobago-in Panama an thlak ang a, Portugal leh Austria-in Denmark leh Greece an thlak dawn a. Kyrgyzstan hian Pakistan a thlak ve thung an.
Bahrain, Colombia, Democratic Republic of Congo, Latvia leh Liberia te chu kum 2027 tawp thlengin Security Council-ah non-permanent member an ni chhunzawm zel dawn a ni.
Thawhlehni khan General Assembly chuan September thla atanga tan tur session vawi 81-na atan Bangladesh Foreign Minister Khalilur Rahman chu member 193 awmna pawl president atan a thlang.