Kartawp khan Florida khawpuiah ropui tak inlan tumin a inbuatsaih a, fans lam pawh an phur tawh viau chungin rokhawlhna lian tak a nei ta si. Mahse, ticket leitute erawh a thlawna awmtir mai a tum lo thung.
Zaithiam Charlie Puth chuan June 6 zan khan Florida-ah concert neih tumin, inruahmanna hrang hrangte pawh peihfel a ni a, mahse damlohna avangin a thulh a ngai a, pawi a tih thu a sawi.
A instagram stories lamah a dinhmun tarlangin, ni engemaw kalta atanga damlohna in a tlak buak tawh thu a sawi a, a doctor ten chawl rih tura an ngen nasat em avanga a concert tur pawh loh theih loha cancel ngai a nih thu a sawi a, fans tan hun rei zawk a zai theih nan thutlukna siam rih a nih thu a sawi bawk.
‘Zanin hian concert ngei ka tum a, fans nena hun hlimawm hman ngei pawh ka duh. Mahse, ka damlohna hi a rei deuh tawh a, doctor thurawn anga ka chawlh rih mai a ngai a ni. Mahse, ticket lo leitute zawng zawng erawh ka tithlawn lovang che u. In ticket kha refund kher ngai lovin, he lai hmunah ngei hian kan inhmu leh thuai dawn nia,’ a ti.
Kum 34 mi zaithiam hian a programme duan dan chuan June 9 hian Nashville lamah concert nei leh tur a ni a, cancel ngai lo tura ngaiin, tihhlawhtlin ngei a tum thu a sawi.