Fur khua kan thleng chho a, kan kawngpui that tawk lohzia a lang a, kan fimkhur pawh a ngai hle.
Hmun hrang hrangah inkalpawhna kawngpui chhia a awm a, eizawnna atana hmang lirtheite an tlan lo thei si lo. Kawngpuiah heti taka harsatna kan tawk rei ta hi a mawhphurtu chu an awm ngei tur a ni.
Sorkar in khawpui chhung kawng a siam a, hahipin kan fak a, mahse hmun thenkhatah chuan fur vawikhat pawh paltlang lo nghal a awm niawm a ni. A fuh viau chuang lo.
Khaw hrang hrangin kawngpui thate hi an awt a, inkalpawhna kawngpui a that chuan hmasawnna a kal nghal mai a, mipui pawhin nuam kan ti thin.
Mahse, kar hmasa chhunga ruahtui kan dawn avang ringawt pawhin inkalpawhna kawngpui chhia a tam hle a, hmun thenkhat phei chu zawh leh tlan hlauhawm tak tak an ni leh nghal der mai.
Sorkar hian kawngpui siamthat lam hi veiin, helam kawngah hian tan la se la, central fund a ni emaw, PWD chan a ni emaw, kawngpui that theihna tur a nih phawt chuan chak takin engti kawng pawhin hma la se la, mipui lam pawhin kan ring lehzual ngei ang. Kan harsatna tawh fote hi chinfel a va hun tawh tak em.