Aizawl: Mizoram Youth Commission (MYC) Chairman Malsawmzuala Ralte chuan Mizoram pawn hmun hrang hranga lehkha zira awmte puala Shillong MSU-te buatsaih Summer Sports 2026 kharna chu Inrinni khan R. Dengthuama Hall, Mualpui, Aizawlah khuallian niin a hmanpui.
Mala chuan zirlai kalkhawmte hmaa thu sawiin nu leh pa leh chhungte chawmin lehkha an zir a, mahni kea ding tura inbuatsaiha ngaihtuahna sen a hun tih a hrilh a. Mizoramah hna a vâng a, sorkar hna chu taima fal, thawkrim fâlte tana ban phak a ni chauh va, an zirna hmunah hnathawh tur remchang ngaihtuaha Zorama lo haw kher tum lo turin a fuih.
Kumin summer sports-ah hian India khawpui hrang hrang pariata zirlaite an tel a, Shillong MSU champion-in, Delhi leh Bangalore ten an dawt a ni.