Lemchan thiam Arnold Schwarzenegger chuan nakkum hian a chanchin ziahna lehkhabu tichhuak turin ruahmanna a siam leh tawh a, Penguin Press chuan an publish sak dawn a ni.
Kum 79 mi Arnold-a lehkhabu thar hi ‘Better Every Day: An Action Plan for Full Life’ tih a ni dawn a, a chhiartute chuan thawhrimna nen nunkawng dik an zawh phawt chuan hlawhtlinna chu an ban phakah a awm dawn thu sawina lam a ni deuh niin a publish tute chuan an sawi.
He lehkhabuah hian Arnold-a tawnhriat hrang hrang, a nunkawng bumboh ve tak takte ziah lan nia sawi a ni a, a chhiartuten hlawkpuina an neih ve ngei theihna turin a tun dinhmun thleng tura hun khirh a tawh hrang hrang tarlan a ni.
Arnold hian kum 2023 khan ‘Be Useful: Seven Tools for Life’ tih lehkhabu a lo tichhuak tawh bawk a, kum 2012-ah ‘Total Recall: My Unbelievably True Life Story’ a lo tichhuak tawh bawk.
A lehkhabu thar tur hi ruahman dan chuan January 12, 2027 a tihchhuah tum a ni a, pre-order a theih tawh bawk nia sawi a ni.