Aizawl: Khawtlang inlungrualna leh inpumkhatna chu hmasawnna kawngpui pawimawh tak a nih thu sawiin, mi dangte tana malsawmna ni tura rawngbawlna zau zawk thinlung hawn a duh tih Agriculture Minister PC Vanlalruata chuan a sawi.
Thawhlehni khan Zakapa Hall, Sailulak-a ‘Sailulak Day 2026’ vawi 128-na lawmna vantlang inkhawmah khuallian niin PC Vanlalruata hian a hmanpui a. Thusawiin, Mizo lal huaisen leh rinawm Zakapa khua te inlungrualna leh khawsak harsa zualte tuamhlawm kawnga an hmalakna chu a ropuiin a Pathian thu hle a ni, a ti.
Minister chuan sorkar atanga hmasawnna chu khairual a ngai tih sawiin, harsa bik lutukte khaichhuak tura ke pen a, rawngbawlna zau zawk hawn theuh chu a duh thu a sawi bawk.
Sorkarin Tung chin beihpui a thlak thar tur thu sawiin, India ram chhungah Tung hriak mamawhna a nasat em avangin Agriculture Department chuan hma an lak thar thu leh a chi pawh sorkarin a ngaihtuahsak bakah, kum khat chhungin Tung ching thar mi 5,000 chuang an awm tawh thu a sawi bawk.
He hunah hian Khualzahawm leh bialtu MLA Lalmuanpuia Punte, Adviser to CM pawhin thu sawiin, Mizo lal zinga sap laka tlawm ve lo Sailulak lal Zakapa a ngaihsan thu leh a thlan chei that a ngaih thu a sawi bawk.