Aizawl: Mizoram State Finance Commission pathumna Chairman Lalnuntluangi Tochhawng, ICAS (Rtd) leh member Vanlalnghaka, MFAS (Rtd) te chuan Nilaini atang khan hna an zawm.
Commission hotute hi Mizoram sorkarin September ni 10, 2026-a notification a tihchhuah anga ruat an ni a, an ni hian February ni 28, 2027 aia tlai lovah sorkar hnenah an report hi an thlen tura beisei an ni. An office tur hi Chief Controller of Accounts Office, MINECO-ah ruahmansak an ni bawk.
Chairman Lalnuntluangi Tochhawng hi ICAS 1984 Batch niin, Mizoram sorkarah Finance Commissioner leh Principal Secretary hna te kum 2012 atanga 2017 thleng lo thawk tawh a. Member Vanlalnghaka pawh hi MFAS 1982 Batch niin, kum 2012 khan Finance Department Secretary hna atangin a pension a ni.