American Idol season 25 na nei turin a buatsaihtu lam pawh an inruahman chho zel a, season 25 naah hian kum hmasa lama lo thu judge pathum Lionel Richie, Carrie Underwood leh Luke Bryan te chu an thut leh tur thu tihchian a ni.
Kum 43 mi Underwood leh kum 50 mi Bryan te hi stage-ah live a puanchhuah niin, judge tur an nih thu hi puan a ni a, hetih lai hian Richie,77 mi erawh a hriselna lama harsatna tawk hlim a nih avangin video hmangin a inlan thung.
Richie leh Bryan te hi season 16 atanga judge dawhkana thu tawh niin, Richie hi August thla khan stage-a a perform zo chu chau thutin hospital panpui a ni a, ICU lama enkawl a nih hnuah September 2 khan a chhuak leh a, in lamah inenkawlna a la nei zui mek a ni.
Hetih lai hian Underwood erawh season 23 na atanga judge dawhkana thu niin, an pathuma an thuho leh thei tur chu nuam a tih thu leh a phur tawh thu a sawi.
Hetih lai hian Richie hi a dinhmun a zirin Idol tantirh lamah a thu nghal dawn em tih sawi mai theih a la ni lo a, a buatsaihtu lam chuan round sang zawka thu ngei ngei tur erawh a nih thu an sawi a ni.