Excise & Narcotics Department chuan NDPS Act, 1985 section 51A leh NDPS Rules, 2022-in a phut angin Nilaini chhun khan Phunchawng-a Bethani Multipurpose Farm-ah case 106 a\anga ruihhlo an man, Court lama chin fel tawhte chu Commissioner of Excise & Narcotics Z. Lalhmangaiha’n a hal ral.
Hal ral tak ruihhlo hrang hrangte hi tualchhung bazar-ah Rs 11,82,13,173 man hu a ni.
Hal ralna puala inkhawmah Commissioner Z. Lalhmangaiha chuan, he ruihhlo man leh hal ral te hi Mizoram Police, Central YMA, tlawmngai pawl hrang hrang leh agency-te nena an thawhhona rah a nih thu sawiin, ruihhlo dona kawngah sorkar tha tichak zel turin mipuite a ngen.
Ruihhlo hal ral inkhawm hi Drug Disposal Committee Chairman leh Joint Commissioner Peter Zohmingthanga’n a kaihruai a, Dy. Commissioner leh Secretary Mandy Lianchhingpuii’n report pein, Asst. Commissioner David Lalmawia’n lawmthu a sawi.
He hunah hian Mizoram Police, Central YMA, media leh ruihhlo dona a thawhpuite pawh an tel a ni.
Ruihhlo hal ral takte hi Heroin kg 5.356 (Rs 10,71,20,000 man), Ganja kg 19.430 (Rs 9,71,500 man), Methamphetamine kg 1.985 (Rs 19,85,000 man), Codeine Cough Syrup kg 89.9 (Rs 10,57,673 man), Alprazolam kg 0.418 (Rs 33,44,000 man), Nitrazepam kg 0.04 (Rs 3,20,000 man) leh Opium kg 6.830 (Rs 34,15,000 man) te an ni.