- Dr J.T. Vanlalngheta, Advocate, Writer’s Lexis & Law
Driver-te leh an bula thuten seat-belt an hreng tur a ni tih thu hi India ramah thil thar a ni lo. Chuvangin, PIL theh luh vanga Supreme Court-in tun hnai Sept 9, 2026-a Jothydev v. Union of India-a ngaih dan a siamah, Dan kimchang tha tak: Motor Vehicles Act, 1988 Section 194B leh Central Motor Vehicles Rules (CMVR) a awm reng tawh avangin, thu pek thar a hran a hraia tih chhuah chu tul a ti lo a ni.
Amaherawhchu, “Seat belt hren hi tih dan phung pangngai tur (formality) mai ni lovin, nunna ven himna hmanrua (life saving device) a ni zawk mah”, tiin PIL theh luttu chu seat-belt hman chungchang emaw, he dan hman leh hman loh chunghang emaw hi dan tlakchham vang ni lovin, law and order chungchang leh traffic discipline a ni zawk”, tia hrilh fiahin zalen taka Ministry of Road Transport hnena theh lut (leh) turin a lo ti a ni.
Hemi rual hian lirtheia naupangte himna leh lirtheia chet sualna a thleng palh thulha lirtheia chuangte tana damdawi han pek vat tur (first aid system) chungchang pawh sawi lan a ni bawk.
Court sang bera thu theh luttu zun thlum specialist hia n Advocate Wills Mathews ruaiin, lirthei tam takah hian seat-belt invuahna tur te a awm reng chunga seat cover vuah vanga thup bo emaw, hman theih loa awm daih ta te emaw, leh first aid boxe te pawh awm thin awm ta lo te hriat tur a awm avangin hetianga dan pawisak lohna hian lirthei chet sualna a thlen palh thulhah passenger-te tan a him lo em em a, nun a ti derthawngin, thihna hial a thlen phah thei a ni tih te pawh he P.I.L-ah hian sawi lan a ni bawk.
Comments: A hranpain Apex Court hian thu tlukna (verdict) siam lo mah se, dan lo awm tawh sa hmang tura (Mizoram tan bik pawh) phu pek thar a nih avang leh, he thu pek zawm hi lirthei khalhtu leh passenger-te tana zawkna a nih avangin, kan driver-te leh an bula thuten zawm vek se an inchhîr lo vang.