Aizawl: Commissionerate of Excise & Narcotics Conference Hall-ah Mizoram sorkar hmalakna kal mekah, The Mizoram Liquor (Prohibition) Amendment Act, 2025 hnuaia local fruit beer siamna chungchanga Sensitisation of Rules & Regulations training ni khat awh chu Thawhlehni khan neih a ni.
Training hi Joint Commissioner of Excise & Narcotics Peter Zohmingthanga chuan kaihhruaiin The Mizoram Banakaih (Handholding) Scheme leh Selection & Regulatory Committee for Brewery & Winery te huaihawt a ni a. Mi thiam hrang hrangten food safety, food processing leh financial management bakah local fruit beer siam dan tur kaihhruaina, Standard Operating Procedure (SOP) hrang hrangte ngawrh takin an inzirtir a ni.
He hmalakna hnuaia siamtu tur diltu chi hrang hrang te atangin mi 12 te thlan fel an ni tawh a, manufacture licence pek chhuah an ni tawh bawk.
Tual chhung huan neitute dawmchhuahna tur atana sorkar ruahman a nih angin, Mizorama an tharchhuah ngei thei leh thlai dang atanga siam chhuah a ni ang.
Licence hi mi dang eng emaw zat hnenah pek leh mai theihin an peih diam tawh a, fruit beer an siam chhuahte hi sorkar thlan distributor-te kut a thlen hnuah, mipui hnenah zawrh chhuah a ni ang.