Hripui len tirh lam 2020 nipui chho vanglai taka tlangzarh ‘Future Nostalgia’ album hit pui rem rem tak Dua Lipa-i’n album pathumna tur hmawrbawk a hnai ta, a ti.
Album thar hian a duh leh mamawh chiang lehzuala a hriattir vangin a roh tan hle a, engti ang takin nge rimawi khawvel a nghawr leh dawn tih chu inrinsiak luih luih a ni der bawk.
March thla liam ta khan album thar buaipui mek hi 50% zawh fel a nih thu a lo sawi tawh a, hringnun zirlai pawimawh tak thlen theitu ah a ngai a ni.
“Zep thu a cheng lo. Ka puitling tawh a, puitlingzia dik tak ka pu tawh. Ka theihna leh thiamna ka pawh chho tak tak tawh a, tunhma lama inthlahrung taka lo vawn thin te thlengin huaisen takin ka sawichhuak ngam tawh bawk. He album thar hian ka duh tak hriatthiamna min pek,” tiin Lipa hian a sawi.