Myanmar sipaiten mipuite laka tharum an la thawh zel vangin Japan foreign minister chuan tanpuina kawnga an hmalakna tihtawpah a vau.
Japan hi Myanmar tanpuitu lian ber an ni a, mipui aiawh roreltu, Aung San Suu Kyi an paihthlak tak vangin new aid program hmanga tanpuina an pek thin pawh a lo tihtawpsak tawh thung.
Toshimitsu Motegi chuan Nikkei chanchinbua an kawmna an tihchhuahah an hrekna hi an tih belh mai thei niin a sawi.
March thla khan Japan hian Myanmar hremna atan new aid programme an kalpui mek chu tiamchin awm lovin an titawp.
Motegi hian sum leh paia Myanmar tanpuina pe tam ber chu Japan ram an nih thu a sawi a, sipai chungchangah pawh inkungkaihna tha tak nei angin a sawi.
Nikkei chuan Japan hian Myanmar hnenah kum 2019 khan an ram tihhmasawn nan US $ tluklehdingawn 1.74 an pek thu a tar lang a, ram dangin tanpuina an pek zinga tam ber a ni.