Aizawl : National Students Union of India (NSUI) Mizoram state-in “sorkar hna hrang hrang thawktu tur latu tur Mizoram Public Service Commission (MPSC) a awm reng laia party mi te induhsakna tura sorkarin a din Mizoram Subordinate Services Selection Board (MSSSB)-in tunhnaia sorkar hnathawk tur a lakah hnamdang (general category) mi pathum an tel” an ti.
NSUI Mizoram state hruaitu ten nimin khan MSSSB Chairman Ramhmangaiha Ralte hmuin, MSSSB-in sorkar hnath- awk tur a laka hnamdang pathum an tel chu tha an tih loh thu an thlen a. Tunhnaia MSSSB-in hna- thawktu a lakah MPSC anga invenna tha nei lovin, DP &AR-in a duhsak zawngte an luh theih nan MSSSB chu guidlines a siam sak tawp nia sawiin, he guideline hnuaiah hian hnamdangte pawh in hna an dil thei niin an sawi.
Party mi leh hnamdang (general category) duhsak zawngte lak theihna guideline hi a rang lama ennawna, siamtha turin Mizoram sorkar an phut tih NSUI, Mizoram state chuan an sawi a. “He guidelines DP&AR-in MSSSB tana a siam hi ram leh hnam tan a him lova, Mizo thalaite tan a huatthlalain, hnamdang duhsakna kawng zau tak a inhawng a ni” an ti.
NSUI, Mizoram sta- te chuan hnamdang (general category) te tana kawng zau tak hawn sak ai chuan MPSC thuamchaka hna tam zawk la thei tura buatsaih ni se tih chu an duh dan a nih thu thuchhuah siamin an tarlang bawk.