Narcotics Control Bureau (NCB)-in ruihhlo kaihhnawih chhui kal zelah actor Sushant Singh Rajput thihnaah a bialnu hlui Bollywood actress Rhea Chakraborty leh a unuapa Showik Chakraborty lakah thubuai a siam.
Reha hian 2020 khan hemi kaihhnawiha jail bang a lo zut tawh a, special public prosecutor Atul Sarpande te chuan court-hmaa an thehlut hmain thubuai an siamsakte hi charge sheet-ah a ziaklang.
Rhea leh Showik te hian ruihhlo an tih bakah boralta Sushant-a hman leh ei tur an ngaihtuahsak thin nia tarlan a ni.
He an thubuai hi July 12-ah Special judge V G Raghuwanshi-a’n a ngaihtuah ang.
Rhea hi September 2020 khan ruihhlo leh Sushant-a thihna kaihhnawihah man a lo ni tawh a, thla khat hnu ah Bombay High Court-in bail-in a chhuah.
Rhea bakah a unaupa Showik Chakraboty tiamin, mi thahnem tak chu ruihhlo buaipui, kawl leh a leina tura sumpai thehchhuakah puh leh hlin an ni hlawm a, a tam zawk chu bail-in an chhuak tawh.
Actor Sushant Singh Rajput (34) kha June 14, 2020 khan suburban Bandra, Mumbai-a a chenna In-ah inawkhluma hmuh a ni.