AZL: Mizoram Departmental Officers Association chuan nimin khan Taxation Department Auditorium-ah an member kaisangte lawmpuina hun an hmang a. Department hrang hrang atanga promotion hmu mi 41 hnenah lawmpuina citation hlan.
Kaisangte lawmpuina hun hi MDOA President C. Vanlalchhuana, Dy. Commissioner of State Tax-in a kaihruai a. Vice President Lalchuailova, Dy. Director Art & Culture Deptt-in MDOA din chhuah dan leh a din chhan te, a hmalakna hrang hrangte tar langin thu a sawi.
General Secretary Lalsangpuii, Jt.Director, Trade & Commerce-in MDOA dinhmun report a pe bawk.
MDOA hi sorkar department hrang hrang atanga gazetted officer-te intelkhawmna pawl niin kum 1982 khan din a ni a. Kum 2003-ah sorkar recognized pawl niin tunah hian an pawlah hian gazetted officer association 32 an tel a ni.
MDOA hian an member kaisangte lawmpuina hi kum tin an nei a. Tun tumah hian September, 2021 atanga kumin July inkara promotion hmute hnenah lawmpuina hi hlan a ni.