Kumtlinglo ruihhlo ngaite enawlna hawn tum

Social Welfare Minister Dr K Beichhua hoa Mizoram Social Defence & Rehabilitation Board thukhawmin Mizorama naupang kumtlinglo ruihhlo ngaite enkawlna hawn tum a nih thu an sawi.

Nimina SAD Conference Hall, MINECO-a thutkhawma tar lan a nih danin, Mizorama naupang kumtlinglo ruihhlo ngaite enkawlna dan tur chungchang an sawi ho a. Board chuan tlawmngai pawlte nen tangkawpin heng mite enkawlna tur centre hawn a tum thu leh hawn theih thuai beisei a ni.


Heng bakah hian Central Jail-a tang mek, ruihhlo ngaite enkawl an nih theih nan ruahmanna kalpui an remti bawk.


Thutkhawmah thu sawiin Board Chairman Dr K Beichhua hian MSD&RB hnathawh chu mipuiin hre tam lo mah se Mizorama ruihhlo ngaite enkawl leh chhanchhuah kawngah a sulsutu ber a nih thu a sawi a. Ruihhlo ngai chhanchhuah leh chhawmdawl kawngah sorkar leh mipui thawhho that a pawimawh thu a sawi.


“Ruihhlo avanga tuna chhungkaw tam tak buaina hi nakina kan buai theihna a ni tih hriain mi tinin ruihhlo do leh ruihhlo ngaite enkawl hi kan mawhphurhnaah kan lak a ngai a ni,” a ti.


Thutkhawmah hian department hrang hrang - Social Welfare Department aiawhte bakah police, finance, law, MRHG bakah excise & narcotics department aiawhte an tel a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427