ZPM Vice President Lalthansanga (Chatea) chuan “Kan elpui party ten ZPM hruaitute chu inngeih lo leh intai rana awm thin angin theihtawp chhuahin dawtin min puh thin mahsela kan hotute thahnemngaihna leh an chetlakna hian kan inpumkhat zia sawi ngai lovin a tilang” a ti.
Dampa bial chuanchung lam fanga fehchhuak ZPM Vice President chuan ZPM party hruaitute inngeihlo anga beihna chungchangah thlaphanna tur a awm lo niin a sawi a. “ZPM chuan nasa takin hma a sawn a, ram rorelna fawng vuan turin a inpuahchah zel a, party inrelbawlna pawh tihngheh leh tihchang- tlun zel niin member pawh a ni telin kan pung" a ti.
ZPM Vice President chuan, “Midangte chaklohna leh fel lohna remchanga laa thil nihphung lo lutuk ang chia insawisel chiam ang chi te hi ZPM chuan a duh ngai lo" a ti a. Mizoram tluchhe mek tung- ding turin an theihna zawnah thahnemngai takin hna an thawk mai niin a sawi.
Dampa bialtu MLA-in West Lungdar khuaa Middle school hmun rem tha zawk hlamchhiaha, hmun chep leh rem lo zawka building changtlung lo tak saa insawntir a tum nia sawiin, ZPM Vice President chuan pawi an tih thu a sawi a. "Zirtirtu transfer tura a vau zui chungchangah bialtu MLA chu demawm kan ti" tiin, "sorkarna kan chang a nih chuan he thil hi kan ennawn ang" a ti bawk.